رجفت من جدم للراس كـل  اعضـاي

وبذيـج النواظـر سـالـت  الدمـعـه

ياحني الظهـر وي حنيـة الصفصـاف

وبوسع الطـوارف ضـاﮔت  الوسعـه

خطرة الحدره والمهـر التعثـر  طـاح

نخـاي ويحيـف اتـوانـت الفـزعـه

التوة ابزندي الرسن جرني وخذاني اوياه

وأشـداد الاحبـال بمهـري متگطعـه

يگزل من يكـوم وﮔومتـه ابيـا حـال

راحت رهوته مـن كسرتـه  الوگعـه

بيّن بالرمـش مـن خـرّت  الدمعـات

عطشان المهـر مـن يصهـل اتسمعـه

طشّت مـن يلمهـه الفرهداهـه الريـح

شيلّـم التفـرهـد بـعـد  شيرجـعـه

محلت والرشن غاب أوية فطـر الگاع

والشوجـه التـوت بظلوعـي متربعـه

فك حلگه الظلام وﮔصة بذاك  الشـوف

لـف مهـري بثنايـا الليـل  شيطلعـه

أتبرهج بالظلام ويفـك عينـه  بخـوف

عاﮔت عن بصيص الشوف كل  شمعـه

ناخت حسرته وذبّـت حملهـه  أحـذاه

وصلـت للشديـدة وساعـة الصرعـه

نهض نهضه اعله حيله وصهل رد اخفاه

ولم روحه أو وگع والموت أجه أيتبعـه

روحه اتواخذت حـد رفسـة الرجليـن

يكـرم للمنـيـه بلحـظـة  النـزعـه

ذبّت كـل ثگلهـه وناحـرت للمـوت

مدري الموت أجاهه أيلـوّح  ابسرعـه