سعيد الصافي 

ياعراق ابتربتـك سـر الوجـود

وانته اول خارطه ابعلـم  البـداء

منك وليك البشـر بـاچر  تعـود

لأن ارضك بالشرف تنعد  سمـاء

انته دنيه وآخـره مالـك حـدود

واقدم الاوطـان للـذروه انتمـاء

واليريد يجادلـك عنـدك شهـود

انتـه يابوالخيـر مهـد الانبيـاء

بس عليك مشرعه سيوف الحقود

لأن بيك البطل خيـر  الاوصيـاء

انچان قالع بـاب خيبـر لايعـود

علي البيده للمجد رفـرف  لـواء

شلون تنصه وشيمتك دوم الصعود

وهـذا شانـك يانبـي الكبريـاء

انته ساگي الكوثر بيـوم الـورود

ومنك الاجـداث تخـرج للجـزاء

من اخوتك شفت طعنات الصـدود

وصابر وخلكَك فضي الحمل البلاء

للكرامـه رايـد ابنفسـك تجـود

والكرامه ماتجـي ابغيـر الدمـاء

حسينك ابدمه صبغ تـاج الخلـود

وگبته تنعد شمـس فـي كربـلاء

من وفه العباس مگطوع  الزنـود

ياعـراق اتعلمـت هـذا الوفـاء

ياوطن وحنه الك تلگانـه جنـود

بس تصيح اتشوفنه انلبي النـداء

ايد من شر الغدر تحمي  الحـدود

وايد بالحب والوفه اتشيد  البنـاء