امجد الدراجي

لله مـديـت ايـدي ألك..

مـو عازه بـس محتاجلك…

وشيطلـع مـن ايـدك فضـل,,

 وبجيبـك سنيـن العمـر

محتاج خـرده شكـم سنـه مـن الـراحـن بهجـرك قبـل,,,,

 الشمات حكمـونـي انعـدم

بس أمـن اشتمك غصـب مـن أرفـس ويـرخـه الحبـل,,,

 … أتـذكـرك واشا ه كلـت..شـرد احـجي لـويمك جنـت

وي روحـي راح اسطك واصـك…نشـروا فشلـتي علـه الخلك

فلـت كصيبـه علـه جتـف والعـزه كمـره ولا تفل,,,

 مـن غـربلـت جـدمك صفـى الخطـوات كلهـن مـو ألي

رديـت فشلان وخجـل,,,

 ظليـت اغـربل ماتبـت والناس مـن هزت الجسـم

كالـولـي سكـران وثمـل,,,

واستاهل يضيـع العمـر

كاضيها اظنن ما أظن وادري المشاعـر خافيـه,,,

مـن خنجـرك عطشان اجـه

دليته طاسـت منحـري اشـرب كلـت بالعافيـه,,,

الجاب مـن عنـدك حجـي

أفتـح شليلي لشفتـه واتـرس سوالـف دافيـه,,,

نيتـي وي نيتـك تختلـف

نيتـي مـن احطها ويـرمل وطيـن تطلـع صافيـه,,,

كظيتها وياك بحـذر

مشيـت المـرود ع الجفـن اغلط عيـوني طافيـه,,,

لـو كايد بمشيك ملـح

جا ظل اثـر فـوك الـدرب متظل ادروبك فاهيـه,,,

كـدما يعت بـرويحتـي

مـن كدرتها اعلـه الجسـم طلعـت جبيـره وراهيـه,,,

جنـت انـه انـزل دمعتـي

وبعيـنـي تصعـد ضحكتـه وتلطـف الـدمـع الجـره,,,

ردت انسـى عـود اتقـدمـت

كـدامـي خطـواتك شفـت ظليـت ارجـع ليـوره,,,

ردت اعبـر لغيـرك واحـب

بـس عفـت فجـوه بغيبتـك ماتـرهملهـه الكنطـره,,,

جنـت انـه اكللهـم وفـي

بـبس جنـت اشك بعشـرتك رجال ويشك بمـره,,,

جنـت بصحـوتك يقضتـك

يياوسفـه ولفك ينسـي وبحلامـك انـي الـزم سـره,,,

ماردت ابينلك عشـك

بـس ردت اكلك هـذا انـه وشلـون كسـرت خاطـره,,