ايهاب المالكي
عراقي وبيه نشوة مرجله القاف
مثل قاف الصقور البيهه تشمخ
بعدني مسودن بوكت الملمات
وبثوب المنايا معلم اكشـــــخ
انه الكل ثانيه يخضرلي تاريخ
ومتعب جفوفه العني ارخ
النعام الغايظه ومشكلته وياي
لان ظليت عالي وراسي ماطخ
عدوي ينــــام يمــــي بملء الجـــــــــــفون
مامتعلم انصب للخصـــــــم فخ
انه الواكف بطولي ويشهد الغيم
سرفنت الـردان من الطلق زخ
انه الكلبي بترافة ملمس الماي
وانه البيه رهبة طائــــــــــر الرخ
فوهات البنادق حارت ويــــــــاي
ترمي وعلرصاص اليوصل انفخ
ترف وتلكط من ايدي العصافير
و صريح ومن اهد الجلمـــــه تفشخ
واكرم وان جان الموت خطـــار
واتكاسم اولادي ويالمفخــــــــــخ
