سيف الحلفي
المايرتاحلي..ماالومه…معذور
يآخذ غيبتي,ومااسأل شكال
ترى الماعنده عشرة ويه المراجيح
ايتصورهن مشانق…كل الحبال
بس الصام يعرف لذة العيد
الماجسة العطش,,,مو يمة الهلال
بالجنسية سيف…وماشلت سيف
ولاعاديت واحد صاحب اطفال
كمطوني بمراجل…موش بقماش
وعلي,,بكماطي كالو خوش رجال
واعرف واحد الوادم يمدحوه
وأكللهم عوج…بس كالو هلال
كضة كل عمرة طايح,,ماصعد فوك
كون اميية بي…جا كلنة شلال
على جتافي صعد بس مااهتميت
وكلت يلله..
كلت يلله الجنازة ثواب تنشال..
