بهـاء الركابي .. 

وحــگ فـرگاك مــاظل كل صبر بالـروح

ابنفس شــايب عشت والضـحكه مـنسيه

 أون .. ون .. الـــثكاله الـفــاگــدات أولاد

ويــــر حــسرة يتيمه او مــشت فـصلــيه

 صـفـنتـي بطـول نوم أهـل الكهف مرتين

بـحيث اتـــراب اشــوفــن مــن افـز بيــه

 وحـــالي عــليك حــال أم تــهز بالكاروك

فـــــارغ والدمـــع مــا گـــطع جـــــــاريه

 ابطعم العوز طعم افـراگ شخصك صار

عـد شيــــــخ ومـضــيفــه ايــواد مــملـيه

 ولا مـر أعـــله بالي ابحـضن غيري تنام

أو لا .!!! حـــســبت حــبك نـــدم تـالـــيه

 يكـــزبــر جـــلدي كله ويعــرگ امنشتاگ

ويرف جــرحــي لمــن ينجـــاب طــــاريه

 وحــلف جـــــرح گلبي بـــراية العــباس

إذا شــاف الشـــمـــاته يـهــود اشـــويه

 ابمحطت ريل هجرك صحت بيك بصوت

أو جــان اصياحــي بيك أبيت ابـوذيه.؟؟

 وحــگ من شــيد الـبـاري طفلــهه

مـســعره ولا أظـن تخــمد طـفلهه

صـرت مــثل الذي باعـــت طفـلهه

ابسعر مكسور حتى تعيش أخـيه