عمار التميمي
افحط ابروحك يا نهر……..
جرفك فلا يشكر منسم للسمر……
يشرب هواك السمج وتظل مختنك…
ياكل خدودك صيفهم………
يبدوك كلساع عله كاع ابكيفهم…….
وانت الابن ابنك ترس….جوعة سنابلهم رشك
يالشايل جنازتهم امدليهم ابغركانهم
باجر يخضر غيمهم….
تصبح مكب نسيانهم
بكل كطره من كصة نخلهم..مادلك حاتم يشبع عثوكهم
يا نهر لو ما انت صفره خدودهم
الصنعوا اصنام الرمل..ياما مسحت ذنوبهم
عفيت يرباة الجبل بس ما تعرف تعوفهم
آه لوتعرف تعوفهم……..
جاا ماخلص عمرك تترس جيوبهم…
ليرة كصب هور الجبايش
وسفة تاليتك خلك شلال طايش
يا كريم…
ا وادمك ماتفتهم حجي ايدك تكلك غشيم
حجارهم ما دغدغ خدودك طلع يتسله بيك
انت نزوه بعين حته طيورهم…
تبوس بجيدك فقط من تشتهيك
تطلبهم اتنكب جدمهم بالجسر…عن لا تمر وتشوفهم
ما حسبوا ينكسر ظهره وتالي هم يعوفهم
يا نهر لو ردوا بعد…اكطع وصل مايك وذبل جروفهم
يا نهر خل كلبك ثلج….
لو مر عرسهم عالحزن…
افرح فرح زافوفه .
