حامد الشمري

من وعينا اللوعة بينا 

ومن وعينا والظرف قاسي

چان بينا البيت مبني

الاساس ضلوع جدي

والسكف دمعات ناسي

وصدر ابوي الباب اذكر 

وچانت الحيطان اخوتي

وامي ربة بيت اذكر 

تعقد ويا الموته اماسي

وعدنا علاكَة عتيجة لهسه اذكر

هم شليلة چنها حالي 

تفتر السوك لاخيرة

 ومن تخلصة تنترس حسرات تالي

ونرجع نركب حزنا بنبع دجلتنا البسيطه

وچي عمر ما عدنا سفرة

نصبه چنا اعلى الخريطة

چان توم ازغار عدنا

الوطن سماهم النا

الولد سماه فرات

 والبنت سماها دجلة

يمرنا شط العرب يركض 

حافي وعايف كرمته

اذا اباب البيت  يسمع

 طلعو يلعبون حجله

ماتو بيا حرب ناسي 

بيا قصف بيا مدفعية 

المهم ما چفنوهم 

ولا رضى الدفان يحفر قط كبرهم

لان كال اورود ذوله 

من اريد احفر كبرهم لازم الا بمزهرية