ادهم عادل
مري بيه عيون خرسه
مري بيه دموع وكحه
مري بيه ظنون تشنقني الصبح
بين الدروب
مري بيه حروف عميه لشاعر
اعل الماكوعمره
لشاعر برقة حديثه بلا سبب يطفه
ويذوب
مري استري دموع عيني دموعي
تمشي اعل الخدود بلايه ثوب
مري بيه نجوم تبجي وديره
مستاحش ضواها
ونهر طعناته بجروفه ويبدي ونه
من الغروب وللغروب
مري بيه سنين صغري الضاعت
بديرة عيونج
والبقه من سنين عمري تراب
منثور اعلى جفج وانتي طشيني
حدر جدمج سنين
مري بيه وخل ارسمج بالخيال
بفكر شاعرصوره من طعم العسل
واشربهه يوميه الصبح ويه
الونين
مري بيه سنين عمري بلايه
طولج مو سنين
مري بيه سنين عمري بلايه عينج
مو سنين
مري بيه سنين عمري بلايه دمعج
مو سنين
مري بيه العين مشتاكه لدلالج
الدمع مل الركود يريد يطفح موج
شوك وياخذ العمر بسفينه
اي وين رحتي
دخذي دينج عاد مني اخذي
روحي ليش روحي بلا سبب يمي
رهينه
مري بيه طيور بيضه ونورس
يطوف اعلى ديرتنا الحزينه
مري بيه انسان فاشل كلشي ضيع
من ادينه
مري بيه واخذي روحي بين
دمعچ
نهر مديني اعلى خدچ
عاف روحه وتيه جروفه وطريقه
واخذي قصة واحد مضيعه زمانه
وكضه عمره يحب خيالچ وانتي محبوبة صديقه
مري بيه انسان فاشل كضه عمره
يحب خيالچ وانتي محبوبة صديقه
اخذي قصة شاعر مضيعه زمانه ورسم حبچ عل الخيال
وضاع ما بين الوهم بين الحقيقه
مري بيه
مري بس چلمة خطيه
مري چلمة هذا متعذب خطيه
ومري نجمه وكحلي عيون
المسيه
يله ذليني بنظرتچ صغريني بعين
روحي
حتى اذل روحي بشرف بچفوف
اديه
مري بيه الدنيا لبست ثوب ليل
ونزعت ثياب النهار
مري لحظة عشك مشموره اعلى
بابي حتى اعوف شويه بدر
واحفظ شويه لنزار
مري بيه الشجر يبچي بلايه
صوتچ
مري بيه الصبح يبچي بلايه
شوفچ
مري بيه العصر خانكته بچفوفچ
مري بيه الليل صافن خال خده اعلى الغروب
وينتظر حلة زلوفچ
ومري انتي وصاحبي بنفس
الطريق وخلي افرش روحي
شارع
يله مروا بلا رحم دوسوا عليه
وضحكي حيل رويحتي من الضحكه ذابت واني ميت جوه چدمچ وانتي ما تدرين بيه
وانته يا توأم حياتي يله غازلهه
بجساره
ويله انتي شويه من خجل العذاره
ودنكي راسج عل التراب
شوفي واحد جوه روحچ فاك من
ضلوعه باب وكلب متشظي اعلى دربچ كضه عمره من الصغر
عاشك سراب
مري بيه العمر خلص مري بس
لحظه اعلى بختچ مري اول عشك چذاب اعلى روحي ومري اول ضحكه چذابه اعلى شفتي ومري اول نفس چذاب اعلى صدري
وفرحي عمري اليتمته سنين صدچ فرحي روحي باخر سنين العمر خليني امشي اعل الكبر فرحان بعدچ
