صادق العكيلي
أشم نية أفراگـك گـمت أنه أمن ابعيد
أوشلت سبعين محمل واعتنيت أقراك
قريت أعيون بُعدك وافتهمت الحال
أوگـلت الله كريم وگـتلي الله أوياك
بظنوني ولهفتي اوحيرتي وشكواي
أدورك شفت كلشي أوماشفت ملگـاك
گـبلَ كلك أشوفك وجه لوصديت
هسه امنين ماصدن أشوف أگـفاك
حچو بذنك عَليّ لولمحو تلميح
عذرمقنع أنطيني وخلي افرح أعداك
أغطيك أبصدگ لوطاري مرلليل
أوتكشفني أبصبح وتگلي هذا اغطاك
اويسألوني عليك وگلت هذا أوياي
اويسألونك عليه أتگول يمكن ذاك
لأن مخلص ألك وياي هيچ أتصير
تطبق المثل بيه وتمشي للبچاك
المواقف تنذكر بس تنسي وياك
وانته الذكرتني وراح أگلك هاك
نفس طعم الحچي أبصينية النسيان
جابوه ورفضته وصمت ماأنساك
أوقرولي اشكم حديث وسوره للهجران
أوقريتلهم أحبه أبسورة الأهواك
ليش أتخون حبي وتعبي والحسرات
والحلم الطويل النايم أبطرواك
مامعصوم أعرفك والخطأ موجود
وأنه خلَگ الهوى تنخاه لوينخاك
راح أنطيك فرصه اگبالَ كل الناس
بس أبداخلي لافدوه أترجاك
طلب مدري وصيه ولله حرت أبهاي
إذا ارجع إلك نفس المكان ألگاك
