حسين الثويني
لفلفني بسوالف خوش واظفرني بحريرك صوف
افتهم جلماتي فدوه شبيك اذن الماي تفهم بس حجي المشحوف
لاتصفن بوجه اجفاي
التصفن عينه ومأيسه نقص عنده حنان طيوف
وانه ادريك اعمه وياي
الاعمى الصفنه عنده اصغاء وبعين الصواب يشوف
بلل واهسي بملگاك
اليظفر واهسه بحسرات تطلع وي حسرته زلوف
اليحب بالنهر ماينفاس
النهر لو فارگ جروفه يسولف ماي سالفة النهر روجه
اليحب لو فارگ المحبوب سالفت اليحب عوجه
يالعاصر بهجرك گلب تنگط بقت دگاته
تره الماشاف وجه المحب لشكم يوم تصبح سحت نظراته
المفارگ تره مايحجي اخرس شوك
بس بعيونه تقره الناس كلماته
جبينك مايه ميت ليش تلزم كصتة العده التموت بوجهه گطراته
وانه وجهي بغيابك مات ماتدريبهه شمالك الوجهه يموت تتيتم امراياته
