محي الحمداني
جيب ثوبك
خل اخيطلك عله جتافك نهار
الدنيه ليل … وخاف من نيران
موسى تستحي وجوه الصغار
وداعتك شفناهه كبلك
ريج يابس ….
دنيه صيف ….
وتوم توم الشمس تطلك
واحنه نفتر بدرابين
الترس جيبه الامير
وبشتانه …
ما رفعنه وجوهنه وشفنه سمانه
اله اذا بس نستجير
ربي لا تمطر يربي
لن سكفنه بثوب تالف
وانفتك ذيج السنه
وخياطه ابد ما صح بدينه
وداعتك شفناهه كبلك
جانت امنه تشيل هيل وزعفران
ادكه … تا يشتم قصرهم
وما يكول اولادهم تاكل شعير
وداعتك شفناهه كبلك
من كلتلك صدفه جينه
ومن خذو شباجنه يشهد علينه
ومن مكاتيب الدرب شكوهه كلهه
وكمنه نسال
بطلت شو ما تجينه
