زهير العرماني
الليله وحشه وحيل خنگـه
الليله اگـضيهه بجي ولوعة وجگـاير
ارد اوشل ماي عيني
وانفض الحسرات البصدري اليحوسن حسره حسره الليله حاير
احس روحي اتركض اباب المطار امسودنه ومحد يردهه انطوهه حقهه امفارگـه الشخص الاحبه وعقلي طاير
لان سافر لچــن ما لحگـت اودعه
اليله شيصبرك يگـلبي
اليله شيسكتك يدمعي
اليله شينومك يجرحي ودمي فاير
فزت بروحي الهضيمه ونشغت بريتي الحسافه وعشعش بعضمي
الصليل وجثه صاير
والحزن ملتف علي داير مداير والله حاير
والخساير سوت سنيني ظفاير
كل خساره تلفني مثل التتن لفهه وعلي يتونس الظايج
وانه مورثه ارويحتي ابركان ثاير اليله اريدن ارثي روحي واثغب بحرگـة نبي مفارگـ احبابه وكون اصبح من كثر هم المفارگـ طالعه براسي مناير
وهذا ياعيد اليجي ويمر عليه
وانه اشفافي امفطره والريج مر
امتاني شوفة اغله ناسي
العيد بس لا يدگـ بابي ؟؟
والله عيب ؟؟.. شرد اگـله ؟؟؟
وهوه جاي يريد بسمه يريد ضحكه وغايته يفرح الناس
ايلمهم ويلتم شملهم يهدي كلمن كلبه قاسي
چــا شگـله ؟؟
لو يشوف البيت فايض بالدمع
والشيب يلهث على اتلث ترباع راسي
العيد خاف احد يشوفه يبلغه لازم
لا يمر مثلي امفارگـ
لايمر من يم يتيم
ولا يمر من بيت مفجوع بمصاب
خل يمر بس للسياسي
العيد بس لأهل الكراسي
العيد ما يرحم امفارك
وابد ما يرحم احساسي
