محمد جاسم
ابجي ابواهسج ياعيني بالليل
خلي الراح منج ماخذطيوف
واسيني بدمع وبحشة واسيج
ولو وي الدمع ظل ينزل الشوف
رايد مثل وجهك.. خاطر ارتاح
اقشمر عيني بيه ابليل ملهوف
علي جرحي اليسولف لمن اشتاك
يظل ابثوب بعدك بالهلة ايرف
انه المكتول عايش هاي السنين
وانه مضيعلي ثار ابيوم معروف
خذك من يمي واحد ماسهر ليل
وتراجي اسنيني ضمهن حدر الزلوف
كبل جانت اجروحي امخاويه الروح
وكبل جان بعشكهن واهسي ايطوف
يابوظنون الاخذهن جف الفراك
وانسيان ظل بالك ايحوف
ياعيني ابجي عله خلي وبجي عل حال
وعلينه اثنينه ابجي وشامت ايشوف
وكتك مدري وكتي ايريدنه انصير
نصير اتراب وانسليها الرفوف
هواجس نار كلبي ايجوئن الغيم
وبيهن ليل غابة ايخوف الخوف
