سلوان الفضلي
يل عرفت الدنيا بيك انته بعيوني نبي
انتي بعيوني رسالة تعيش لو مات الحچي
انته يل عشنه بخضارك وانتچينه اعل السنين
انته يل طفيت نورك حتى أعيش بكل ضواي
توگف الحسرة بلهاتي
من أشوف الحسرة بيك
وأظفر بروحي گصايب تشتهيك
وأعتني اجدامك حوافر من تغير الدنيا بيك
لا تسولفلي وتگول الدنيا مالت
موش حگهه الدنيا ما تگدر تميل
عايش بجالك مناير والله ما ضمن عليك
أشتهي النسمه اليمر بيها السراب
واشتهي الگمره النزلت بغيرة ضواك
بويه هاك عيوني شدهن خل تطوف الدنيا بيك
انته بيك الشيب يكثر وانه بيه الدنيا تزغر
اشهگ الدنيا جهنم من يمرني الطيف بيك
بويه ذبلانه الحدايق عگبك ومامش مكان
عوف هاي الدنيا كلها ولا تغني اعل الزمان
من يمر النوم بيه بصفي احطن كل ضواك
واعتني الگمره هلاهل واطبع بفيك شمس
بويه جرحك لسه ينزف عاش ماچنه من أمس
بويه بعده الحيل بيه ولاتعب حيلي بيك
لا تگول الكبر بين ما يبان الكبر بيك
كل خضار الدنيا يضحك من تمر الضحكه بيك
من تمر الضحكه بيك تنزف الدنيا نداها
وتشتعل بچفوف اديك
انته يل وچهك مناير ما يلوگ الشيب يمك
انته يل شايل حلمنه الدنيا ما تگدر تلمك
خل يروح الحزن منك بويه ما لايگ عليك
استحي من الله واجيلك وانته بعيوني امام
واعثر بدربي خجل من اجر النفس يمك
وافضح السر الدفنته انه عايش والله لجلك
بويه ما چذب عليك
