يوسف الدراجي
دورت بوجوه دربك ما لكيت
وعزلت جفني ومشيت
ياجرس لدك بعد لا للبيوت
وين ابني ايروح اذاما عدنه بيت
اباب صدري اشكد حمام
وعنكبوت الباني بيته
يمته ترجع حضني وحشه وكصري طول
واليمر يهدملي صدري خاف خاتل بي رسول
استعجليت بكل بطء ملح اشتهيت
وانت يا ملح الفرح جيت اعتنيك
وجيت اغط جروحي بيـــــــك
عش تمــــــــوت؟؟
دورت بالصفنة شارع حته افوت!!
وانه ما رايد اجيــك
انت لا تملك سوى بس كل شيء!؟
ظلي مد روحه وراي بلاي صوت وانت كدامي تصيح
ارجع بظلي اعثر وفشله من اطيــح
صدى عيني من يروح ما يشوفك
يرجع وكايد بجفه اشد جروح
حقي ازعل لو نسيـــــت
تجي دوم انت اعله بالي,وعلي ما فد يوم اجيــت
