الدمع ميخلي كحلة تبات بالعين

  وانه كحلة وعلي سالت دنيتي  

  بحربهه وياي سر الليل مفضوح

  وخذت من يمي جتفي وبندقيتي

  الضحك ميطيحلي بس دمعي اليطيح

  تشم عاشور من تسمع بجيتي

  يباجر لا تجيني بداعت اليوم

 ظل هناك اريد اكتب وصيتي

  يربعي بدمي مدري وياي تمشون

اوصّيكم اذا حانت منيتي

اليدور جيوبي لازم يحسب حساب

غير جناح مايلكه بهويتي

بقطعتي غطو كون انسان بردان

فقير وبلوته تشبه بليتي

 وفولي طلب ذيج الدكاكين

  الخذت منهن جكاير تجوي ريتي

  واعتذرولي حيل من العصافير

  لان مابي غصن واشجار بيتي

  ورده وعشت كوه ابدون بستان

  واحس خنكتني كلش مزهريتي

  مدري شلون ملتمات بالروح

  اليدري شبيه يحتار بقضيتي