غني محسن البهادلي 

 ماظل بالصدر شباچ مفتوح

 ونزل ويه الدمع دخان الجروح

 كل ونه اتحزم من يجي الليل

وخلصها مسية والده اتنوح

 تدك فوﮔـﭻ الغربه وما تموتين 

الله شـﮕواتـﭻ صرتي ياروح

 مستوره اشوف اجروحها الناس

تسد بيبانها وبس جرحي مفضوح

 علي ﭽف الزمن مثل الجبل صار

لا ظل حيل الي ولاﭽف التلوح

 يافجران دم انذر اذا جيت

وانه بمنجل اعمه اعليك مذبوح

 وسط الناس اشب من يمر طرواك

ومدري بيا زويه المستحه ايروح

  عشت وياك ريل يمرجح الدمعه..

وودعتك وداع آخر ضوه بشمعه

گلبتك شفت عمري يتوسل بيك

ونته ولاتنيت ولاألك رجعه

الهجر داس اعله روحي .. ووين أودي الروح

أنه اگبال المنيه وضاگت الوسعه

إذا كبرت عبرتي وداست بروحي 

جسر من الصبر أنصب عله جروحي

نمت نوم البچاله بهيمه سبع أيام

 جاي اليوم تنده دمعتي ونوحــــــي