علي المحمداوي
بعدني اشتاكلك,,جانت لغيرك راح,,,
كبل من جنت شاب وعمري ضيعته,,,
لدور مكان بكلبي مابي خيط
كلب تمساح جبته بكلبي بدلته,,,
كصر جلدك وبين ثوب عظمك ناي ,,,
خلك راعي من اجيبن يمك اتسكته,,
شغلك والرسائل مو شغل يومين ,,
شغل اسنين وانت بلحظة ضيعته,,
بنيت انت الامل وانا البديت انساك,,,
مابينه الخسر بينه اليغم كصته,,
كتلي وياك اظل لاخر نفس وياك ,,
ومن اول نفس من ردته ماشفته,,,
مثل شخصك المرو احلى عندي اهواي,,,
مثلك روحي واحد مامعبرته,,
تسمعني اغاني واني ابن الريف,,
المثلي بحال اغاني بحال سالفته!!!؟؟,,
اول شي سمعته شكد احبك ليش,,
كتلك بس سمعت الدمع وكعته,,
تذل الفاركاك السبب ساسك طين,,
مابيه الذنب الذنب بيك انت,,
مو انا الي يوكف وكفة استهزاء,,
ولا انا ولا انا الوكع والناس شايلته,,
ومو انا اليطيح دمعة للمحبوب,,
بس للخوة توكع دمعته بسكته,,
ولا انا اليتاني شوكت اخوه ايطيح,,
حتى اتباها لو كلولي طيحته,,,
ومو انا المضيع بالضباب الطير,,
بس الخاطرك كلت انا ضيعته,,
خنتني انت وكلهم لا .. يجرب جان,,
كلبي ايحبه مو كبله انا جربته,,
واطلعلك عذر خاطر اسكت الناس,,
والكه الناس كبلي العذر حافظته,,
صفنت ليل ساكت والجكارة كبور,,
شما ورث نفس كبرك يهل جثته,,
الشمس توكع اذا تدري الكمر مشتاك,,
يطلع للسما والعشرة لازمته ,,
تذكر من كلتلي تحبني,,
كتلك لا,,
كبل يومين اعرفك ياعشك شفته,,
بلون شفايفك كاسرت اخر كاس,,
سكرت بضوكهن والكاس ما ضكته,,
عشت بعمر شايب عمره خمس سنين,,
بعده استوت يمشي وللكبر كدته,,
بعدني اذكرك لا تظن سهلة انساك,,
وحكك ما نسيتك والعشك عفته,,
مكانك جان خالي البي هذاك اليوم ,,
غيرك بي كعد وتوقعت انت,,
انا المجروح,,
كبلك جرح اسمة الليل,,
يسهر اهل العشك مايسهر ابقصته,,
بعدك عالعشك مو خبره ما مجروح,,
ما ضايك الليل ,الحسرة,,والسكته,,
ما ضايك دمعتك ما بجيت ابعيد,,
ممحاجي كبل زفوها صاحبته,,
اليبني احلام غيره بجفه عمره يطول ,,
بنيت احلام غيري وحلمي شيعته,,
وداعا ياعشك ياكاس تالي الليل ,,
يا صفنه مسودن مادرى بقصته,,
بس عندي طلب لتخلي غير انسان,,
يضوك الانا ضكته وبالعشك حسته,,
وعهد مني من ابوسن جفي راح اشتاك,,
لان ظلت اشفافك فوكه من بسته,,
