ميثم فالح
صدك ما مشتاقلي كالو نسيت
و كالو مكيف حبيبي بموتي
و كالو لقبري ولا مره اجيت
وكالو اذنك ولا تحن لصوتي
صدكتهم ما اظن تدري عليك
و عرفوا ادري مبين من سكوتي
تذكرت شفت ايدك تعز السلام
ما شلتهه من خطف تابوتي
غير كون اقتنع و اتغير عليك
غير ادري الوجه من طيفك يفوت
غير كون التهي باهات الحساب
مثل كلمن يلتهي لمن يموت
شو اشوفن روحي ارد من جديد
و ازرع بكلماتك بكاعي سكوت
انته اول عدل ميت يعتنيك
و يقرالك ايات الحب بلا صوت
اني من عالم البرزخ يمك اجيت
لبيتك و طبيت زيدت العذاب
جيتك و شفتي الك اخر سؤال
و ذبلن شفافك ولا طرحن جواب
مبين ابهامك ولا عضيته يوم
ابهامي من كد ما اعض سويته ناب
شعر قصتنا اكتب والورق جان
جفن و بسكته انقره جوه التراب
