الشاعر امجد الدراجي

كمت اظفر ذكرياتك وغير اليظفرون شعرك
الرمح حافي اعله نحري وحافية الشفة اعله نحرك
الهوى عذريته راحت جيه نفس غربه اعله صدرك
وصلو الجسمك وعبرو واحجي ما وصلو لاظفرك
تزغر بعيني انته يمهم ختى لاتروح من اكبرك
وعقدك السويته باطل يالرحت لازم تعود
غرروك الشاهد الله الله مو ضمن الشهود
جان يسمعلي اندعيلك ربي بس رجعلياه
هذا شمعة عين عمري المات واحساسة الحياة
ولو جنت ادري بطعنتك والظهر حس بأثرها
من اطك وياك صورة تكتب الذكرى بظهرها
بداخلي مفضوحة روحي عادي لو هجرك شهرها
وهسة وبميدان جرحك روح انته وخالقي
ريحة افراك اعله ثوبك ماكو ياس ورازقي
واعرفت التريدة بين وذبلت بشفتك حياتي
من شفت خطوة خيالك فززت كل الفخاتي
ميت وتسالني عنك والناس ميصدكون غادر
كلت ميت جذبوني رغم جان بوجهي جادر
عرضو بسوكك لجمتي وانته اول شخص بادر