احمد عميدي
اتلاثة أنواع الحضن
يعزف سلامه الموت كلهن ينطفن
كلهن يمرن عالضلع نسمة دفو
الگماط .. والحب .. والوطن
ركز واقره أظهورهن رشهن على أكتار الجفن
يتلبسك ازرگ دمع
المستوعبتهن بس فقط رجفة حزن
النبضة شفتين الگلب
أتمتم اذا موتك گرب
وتمر على اضلوعك برودة ..
وتنحتك لگمة تجارب
و الـخـَدر يتغلغل لدمك يگوده
وينختم دفتر جواز .. لجنطة من دگات گلبك
بحلگ كل خطوة قطار
وجولة صحراء التجارب
شاعلة اضوء الضلام
ولازم تبلط درب عمرك خضار
يلم نهار
هناك يم سوگ المحن
يستوقفك طابور أخرته كفن .
الگماط والحب والوطن
يتدثرن بخد الكفن
