قاسم شنيشل
ماعندك گلب وشلون اكول انطاك
كلبك ليش هيج تخوني بسرعه
يالباچي شكلك عيب من الناس
يله بطول زعلك توكع الدمعة
رسمتك بيه شمعه ومامحسب يوم
ضوة عود البخور يطم ضوة الشمعه
ودفنتك من متت بس كبر ماسويت
من تشتاك روحي الميت ترجعه!
عدل بس انت طبعك مو عدل وياي
وطبع وبروحك انت احتار وشيطلعه
وكبر بس مو الحبك كلبي من جفاك
الشوك ايدفعه الك والمستحه يرجعه
شلون ابعدي عايش مو هوااااي تكول
واحد ماشفت بيده الهوا يكطعه
روحك ماتغص تاكل حنان الغير
ابظهرك شخص حضنه مستحه تشبعه
بعينك ماوكف عالاقل سهر الليل
ماكلك لهفتي وعمري المضيعه
ووني الجنت اونه ويعبر الصوبين
ويكلولك خطية تكول مااسمعه
ويالاطول من غرورك طولي جان وياك
واكصر عيب طولك حتى مااطلعه
بعتني اشحصلت بس عفيه من الغير
وكلولك وفي وهو الوفي شنفعه
صدك ماجذبو هو انت طبعك هذا
تركض عالشبه لو بيه شفت لمعة
ومامستذوقيك الناس جي مابيك
ملوحة وسالفة تصبر على الدمعة
وروحي استعجلت كلمن وذوقة تصيح
ولولا الذوق مو جا بارت السلعه
بصوتك وبغرورك تعله فوكي تريد
وانه امن وياك اسولف صوتي مااسمعه
وانه اعمى كلب لو اعمة عين تهون
اذا لاموني اكلهم ماشفت طبعه
