نائل المظفر
اليمه بالرمل راس النعامه أندفن
طز بفصول السنه ان ابردن ان دفن
مومثل روحي كطن وهمومي بيها اندفن
ومحد درف ياطهه في داخلي أشكطعت
وشكد امرني الوكت ياصاح وشكد طعت
وجم جرح كط ونا غركان وشكد طعت
بس كون اطلع ردت واطلعت كطعت حزن
جاتفني وكتي جتف وحباله بيدي حزن
وزني نصن ظلم نصن حزن راح حزن
وبين الظلم والحزن نصين انه منفقر
بالمنفه ذبني الوكت كالولي بالمنفه قر
قر من شني تشتكي كتله اشتكي من فقر
بس انه مو من فقر جنت اشتكي من ظلم
من ظلم لاكن خفت ماكلت انه منظلم
الوكته ظلمه صبح يلكه ضي منظلم
مليت من ظلمتي والوكت بيه جرم
اجرام ترس السما ماشع عليه جرم
ياربي وين اشتكي والشكوى عدهم جرم
كال الله لاتشتكي انه الله والشكوى ألي
مو للبغض حيدره ياعبدي والشكولي
وبصوت مؤمن صحت على البغض والشك ولي
ولي دربنه عدل عن الجدم منزله
باوع لأمامك علي ناصي شكثر منزله
وشكثر سكنو قصر محد على منزله.
خاطر عليه تمن واني احتمل منها
اسنين بحياتي عشت وشحصلت منها
لاحصلت من هلي لاحصلت منها
ولاحصلتلي بشر يدفني حي واندفن
