علي المحمداوي
اشتاگيت الك يالمبتعد
مثل المريض اشتاگ عافيتي ترد
هجرك جرح ﻻ مو جرح
خلاني اموت لشوفتك
راسم جرح صورة ورد
اشتاگيت الك مثل ام ولد
من فات من يمها النعش
وتعاتبه بدمعة وفه
ها يمه الك نيه ترد ؟؟؟
ضاقت انفاسي الهوى
يوم الوداع…
كضياق القبر في وقت الممات
كنت تزهو في وسط ورد العيون
كيف للنسيان يمحو الذكريات
ها قد اتى جيش الجروح متوجها
نحو قلبي المات في وسط الحياة
فترك الجيش في وسط جسدي شهيد
لم يمت بالسيف لكن هو مات
فكتبوا سبب الوفاة شيئاً بسيط
كلمات من حبيب جارحات….
حيل انعم الله اعلى الجرح
مشكور منك واعتذر يالتيهيت اسنيني
صفنه بوسط گلبي الشعر
في خارطة رأسي وطن
نصبتك انته اعلى العرش
جنت انته الاتدليني
ما ادري جنت اعشگ واحب
احلامي باني اعلى الچذب
راسم صفتني اعلى الشمس
طفيت شمس الله لجن
ماكو احد يطفيني
شايلي حظ ما ينحزر
ورده اني زارع بالارض
وعاگول خضر طيني
حب من طرف واحد عشت!!!
اسنين اناطر وانتظر
حد ما جلد ثوبي عتگ
ظني اني بيه انته تحس
بأحساس ذواق الحقد
نمت بحضن شماتي ها….!!!
متقصد تبجيني ….؟؟؟؟
احساسي ورقه ابيض صفه
واحساسك اتحول قلم
شخبطت باحساسي شكثر
مو كافي اتحمل ألم واحساسك ايأذيني
والله اني احبك من گبل…
بس المصيبه اني استحي
اكدر ابين حبي الك الا بشعر
الا بقصيده امن الشعر
قررت ادزلك قصتي
احساسي دزيته بشعر
بس المصيبه الكبره ها
ثاري انت متحب الشعر
جا بيش ابين حبي الك
يل حبك مبجيني…
