مهند عبد الحسين 

 يمه جرح الفركه يكتل ليش ما جرحــــــك كتلنــــي

يمه عود محضره حنتك ما حسبت تــــروح منــــي

حضرت بدلة زواجك وانسه كلشي وكلت اغنــي

… هسه عرس وليدي هسه ما حسبت اخـيب ظــــني

اعزم الدنيا اعله عرسك وبيدي جف بجف احــــني

انت تختار العروسه وانت بس تكفي حضـني

وانت وانت هوايه جانن ما يكفن لــو يجــني

مو حلم جنت اني صدكو جنت احضر بيدي ذنـي

يمه بيك سنين اشتل وانتظر غصنك يشدنــي

وفتحت عيني اعله طولك رته جفك بس يلمنـي

كتلي يمه وياج ابقه هسه وينك يمه عنــي

يمه كتبك بس تسولف عنك وبسمك نخني

يمه ربعك ما اجوني وما يدك البـاب يبـني

صرخه صاحت بيه كعدي بطلي عرسج كومي وني

يمه فدوه تردلي لحظه لحظه وحده وشوف حــــزني

بعدك الماي منشربه مــــــا احسن مـــــــــاي جـــني

بيه اشوف ارسوم شكلك يمــــــه ضحكاتك عمــــني