ايهاب المالكي
تستاهل واتمنالك اني الخير
صح فرصه مثلها من الصعب تلكه
خل اذنك على صدري سمعت الصوت؟
تسمع فرح كلبي تسمع الصفكه
بقه عندي فرح زايد حرام يضيع
مر اخذه بطريقك ساعه الفركه
بيه تلكه ابتسامه تلكه ضحكه بصوت
انت ادخل بروحي بكيفك استنكه
اناهسه فرح بلروح مامحتاج
مايحتاج فرحه الينوخذ حكه
ولو راح الشماته بعدك يفرحون
وتفز الوجوه الجانت مدنكه
ولو راح اذبل والكاك نسمه موت
تاخذ بلخريف من الغصن وركه
بعد حتى من اغني جفوف اليسمعون
تهتز هزه ايدي الما الك خلكه
من ايدي الخاليه راح تعرفني الناس
ومبين عليه وي الحزن رفكه
دليني الهوى من تروح وين الكاه
بدونك نفسي ضيك والارض خنكه
كالولي اخذ طوق النجاه وياك
موج الشوك عالي اليتعب يغركه
وابد مافكرت يمته اوصل على الراك
بس شكد حلمت بروجه الملكه
اجيتك مطمئن جيه شراب الماي
يفتك باب شكي ولهفتي تطبكه
على لحظه وشفت نظره عيونك ثار
وشفت الورده بيدك تنكلب تفكه
وكع منك وجه بس انت عندك خير
اليدور بوجهك جم وجه يلكه
ردتك تكعد تصفي الظنون وياي
ياظن النعوفه وياهو النشكه
واشطب ياحلم خل نفرض مو جزيت
من راحات اديه شيمسح الشبكه
كلشي من رحت ضل عكبك بلا لون
حتى الغيم الابيض والسمه الزركه
رجعت اضحك على سنيني الكضن وياك
وعيون الشماته بفرحتي مصدكه
شافو ماي بيدي توقعوني اسكيك
مايدرون اطفي بشجره محتركه
