رفعت الصافي
ماتوكف عليك الخذك مامعصوم
هم تاخذلك ويا جم سنة وتنعاف”
بس وبخت كل شارع حضنتك بي”
لو تلبس جبل بعيوني ماتنشاف”
هيبة ومن اشيلن راسي ادني الغيم”
انه مداين فياي لشجرة الصفصاف”
من اغيم بالسلف اترخص من الكوخ”
لأن من ينجرح اله بشمس يراف”
انه الحلو اكماطي انطوني تفكة وسيف”
جدمي بمرقد المرجوحة ابد ماطاف”
من اصد ليده استحي من خشونت المسحا”
ابن هور وابد متلوكلي الشفاف”
انه مغبش نعي بشفايف ام عريس”
مات اكبالهه وبي المروة اوصاف”
عشر اوجوه بيك اتحل فصل مكتول”
واحد بس احس جنك هواي اطراف”
مشيت وياك من جانت الريح اسهام”
لتلوم البلم لوجان نهرك جاف”
البي حظ يقنع بكسرة خبز وبساط”
وعفتني انته لان جانت جيوبي خفاف”
الفقير ابطرك كصته وهد عرش تجار”
الستر قلعة شرف ماينبني بجم ساف”
عشت بزمة ثقة ما عاشهه المهدور”
دمه ويضحك بنص ديرة مال اعراف”
الخاين مايحب ازيارة العباس”
بس البي وفه من اسم الضريح ايخاف”
يبارد والشماتة بكلبك ايصيفون”
انه اول حنه بعدك بالحلوك انداف”
من اشوفنك جنت كتال ابوي انساه”
وهلهل ملكه مالح جني مدري اشزاف”
عفتني وكمت احنن لاصدقاء السوء”
انه اجنازة غريب وما حظت بجتاف”
قصر شيخ الرصيف ايصير للمطرود”
وبملكا الحار ايخجل المضياف”
كلبك هندس وتلتقي ويه الجمار”
مل من عندك الدكتور والعراف”
نضيف ابمشيتك من رحت ماشك بيك”
بس اشفايفك ياترى اتظل انظاف”
