علي المحمداوي

سجينته بنحري.,.,وكلت لا 

 نحري الضرب سجينته وظل اثر,.,

دايرله بال.,. وهو داير وجه

وينطيني ظهرة المانطيته الظهر.,

غنيت اله بصوت السكر ع الجرح

جن روجه سكرانه وتعت بالنهر

حتى الكرهني الخاطرك سايست

من كلبي الاول لحد اخر بشر

وديت الك ويه الهوى اخر نفس

الردت اشهكة الخاطرك واعتذر

جبتك بشي يعبر احدود التعب

حاول يخونك كلبي بس ماكدر

شيبت راس الشمس بس ماشبت

تلكاني كل ماتطلع اغزل سهر

كد ما اجر حسرات واحبس دمع

كمت اني احس بعيوني دمعي اختمر

وي كل قصيدة اكتب انساك واحس

يخطر اسمك بين سطر وسطر

من التفت جنت ارعب البالرحم

طيفك رعبته وبيه ظل ماعبر

دمع البعيني يطيح طيحة طفل

ومن اسأله يكولي ياهو العثر

حظي..وقسمتي..وفركتك والجرح

واليهذي ناسك صفن كلهن حجر

بيدي اني جنت بريته انزل الهوه

من عمره لحظه لحد ماكبر

بس هسه لا .. غيري الاخذ قصتي..

سنين لازم سره وغيري العبر..

بحلقة عرس رحت انت وتقشمرت..

مو حالف اله وياي تكطع مهر,.!؟

القاضي العقدلك جن عرفني وبجه..

وكمت اني احس علي قلبه انكسر,,

ضاع العمر جديت الك كم سنه

غركان ويجدي الهوه من النهر

وجهـ القلب شوهته من الطعن..

وركضته فوك الالم حد ما خدر

من تحجي وي روحك جنت التفت..

والكاك تضحك واني شابع قهر..

كل ماتجي كبالي جنت وياها احس

عدني الكبر واللوم اذب ع النظر

قابلني وجه بوجه بس ماشفت,,

مو ما عرفته!! بوجهه لابس ظهر..

الهوى بروحه اختنك بس ما صحت

مثل التحصره دمعه بيوم السفر…