ابراهيم الجابري
راح اعوف افكار اهلي البسطاء
وعكس فكر الناس تحلم
تملك ابيوت الفضاء
انه افكر للقريب الجاي اشوفه وما افكر للبعيد
ربنه گايل اولى بالمعروف هم الاقرباء
البعيد هواي دربه
ورايد عيون ورجل.. تدروني حافي
وعلى الواقع وطن طاغي گتلة عندي احلام حلوة
والله؟ گال احلم عوافي!!!
انه تفكيري اعله گد اغطاي امدد
ادري مكشوفة الرجل بس عادي غافي
وفد سؤال بأذني شمروه من لسنهم
يمته يأبراهيم تتزوج ونفرح بيك
بس مدري شگلهم
همه رادوني اعرس وبحچيهم ابرياء
وحقهم يريدون اخلف
بس شخلفلي يتامه
جدمي ما ضامن لروحي چم درب
شلون؟ اضمن للطفل دنيا!!! بسلامة
امشي وحدي بكل طريق وكلي هم
ولو يمر بيه العطش واوگف طريح انسگي بدم
ولو اعديهه ابسلامة ارجع لأمس
ونفس ما مريت بي يرجع وردن للحلم!!
انه واحد بس اصير اهواااااي وكت الانفجار
عمري ما شميت وردة
آنه بس الموت اشم
