واثق الكرناوي
متأسف ندهتك واصرخت بالصوت
مــاظنيت بيك تخيب ظنوني
عايدتك ردت امسح زمان الفات
لان غلطان بيك الناس سموني
تعاتبني وتكلي شبيك ماجيت
اشو جيتك لكيتك شوكـه بعيوني
اجيتك جايب بـايدي الورد حفنات
واقدمهن هديـه وبس يقبلوني
داس على الورد مــاكتله ليش ادوس
تحملته وكلت ياناس عينوني
كله العينه يسهل وآنه اذل بالروح
وادوس على الجرح مــــابين بلوني
كل هذا واكولن فدوه لهواي
مثل مـا اهدي اكولن بلكي يهدوني
شريته بمــاي عيني مرخص الروح
مـامرة بعت بس همه باعوني
وجبت روحي هديه مكللــه بماعون
اشو كام بصلافه وردلي مـاعوني
