علي داخل
على سكف السجن راح ارسم انجوم
ووصي اهلي علي لمن يمرون
يجيبولي هوى امن الشارع العام
خاطر مااحس ابروحي مسجون
لابد تفرج ابيوم امن الايام
وارد امشي اعله طولي وشدتي اتهون
وكشخ كشخة الماعنده دينار
بهدم متشكك ومتحبه العيون
مو ماعندي لابس حتى بالعيد
اواسي الفقره لو رادو يعيدون
انه وداعت شبابي وراحت البال
الراحت مني ويه المايردون
صرت مثل السمج ماكوول مذموم
بحلوك الابد ماظن يرحمون
رغم جنت اني ثق ذاك الشته الفات
افتح بيتي الهم من يكصدون
وكعدهم وظل للصبح سهران
ابطاري النار اسولف حتى يدفون
يل لايمني شكثر كلي من هاذ
الماراضين خاطر عني يرضون
مايردوني اصيرن بارد اعصاب
الجنت حتى ارجفلهم من يبردون
المهم هسه اني ويني اويه الاعتاب
دخل الكالي حل وتحاشه الاظنون
اظل الحدمن اتنفس معانات
وبصدري حزن يعقوب مركون
تعبت وتعبت حتى اهلي وياي
ابكثر مابيه احسنهم يهمون
وعلي لو يمي جابو ناس عشاك
ويكعدونه سوى ورادو يصوتون
على اللي صافن اكثر واحد ايجوز
اطلع ماخذ اول عاليصفنون
كلشي ولااظل من كلشي محروم
وصيرا” كلي اذان ومايصيحون
قسو وياي حد ماشلو الحال
سجانيني لو تدري شيسون
كالو كلشي ثق امن ابره الباب
بس افراج ماقبلو يكولون
