علي داخل
اتعبت وعصابي ماتن والجسم ذاب
بحيث اجفوفي كاغد تعجز اتشيل
شتحمل بعد واني ابلياك
على الكصبه امن احطن ظهري متميل
محد يدري بيه اشصار ماصار
ابدليلي الهم وحكك كاعد ادخيل
خشب تابوتي ناكع ماي والناس
من شالوني كالو وزنك اثكيل
الزمن وانت علي والشوك والليل
مو حقي امنرتل الحسره ترتيل
شجا دمعي امن اذكرك جنه عطشان
على الوجنات كايم رئسا ايسيل
عطرك وين ذاك الجان اذا جيت
كبل الناس تشتمه التماثيل
الزعل وياك مو من صالح العين
لان بجفاك تغمض بالتواسيل
