يوسف الدراجي

يالشخبطت بالروح امل مثل الرسالة اطبكت

صرت بظرف كلش صعب

باء ديني بس بالبسمله بسم الذي لم ينصفك ..

اما بعد يامن يعز على مصالحنه بأن نفارقه

اني انا ارجع غدا بتاريخ يوم البارحه 

واليوم باجر مال امس

المشكلة امنيتي افزز سكتتي بجلمه هله

الليل من يطفه صبح ..

وقبل اني يمت لفضه القمر ضوئه الاخير

واتوكل اعله الله الفجر غبشه كعد

اذكر فرشت اسوالفك بوسات بخدود النهر

كد ما قديم انه صرت بجفوفي باوع جم فطر

تاه المطر..

دليه علي كوده ويه زخت جيتك واعلكني ليل بلا 

شمع

خاتل وسط فيك كمر

اطيوفنه بجرف الحلم يتمنن ايكعدن سوه

يدثرن بليل الجفن وبنص شليلتهن شمع

ويحلمن يشمن ضوه

الروج ضاربلك جرف معذور ما عنده ركن

الروجه تزحف من تمر تغرف سوالفنه وترد لسوالفك تاخذ صور

يتعلكن برف الاذن تشمرهن بجدم النهر وتخضر احروفك شمس

حجيك ضوه .. ويتمدد بزلفك سلف 

الطيف ميلزمه الجفن يتزحلك برمشك سرح

صوتك ينف سلة عصافير الصبح

وجم فراشه اتغني الك تمسح تجاعيد الجرح