شاكر حسن
ماارجف بعد من يمر طرواك
جرحي اتعنه حد سيفه يصيبه
صفيت بطولي بس دمعه اعله فركاه
ومن وكعت سكت يمه نحيبه
آنه اول بشر ثق باليغدرون
وأول من فتح كلبه لحبيبه
وآنه أول تلاوه بحلك مذبوح
قرآنه الوفه بصفوة حليبه
قدست الصراحه بسكتت الناس
وعلى اجتاف التعب شلت المصيبه
مااخونك ابد كل لحظه وياي
ضميري الظل على احساسي رقيبه
طلكت الوكت ماثق بعد بيك
لأن صار الحرامي ايبوك جيبه
جمر صبري ابرده بنار اخليه
ونار البيه تبرد من لهيبه
شح دمعك عليه وروحي الك فيض
ادفعت دمي وتعب عمري ضريبه
إذا طاح الجبل تركع الوديان
وكلبي بطيحته صارتله هيبه
وصعد لون البياض بكلبي للراس
ومن ضده سوادك بان شيبه
بحركة كلب وك ذميتك اهواي
حجي المحب ماينحسب غيبه!!
وعلى جرحك إلي امحالل وماهوب
ومبري الذمه عالجرح التجيبه
