قاسم شنيشل
واعدتك گبل ما اشوف عنوانك
وكسرت بواهس الجنحان حتى
اوكع على غصانك
يارمح المحنه شصار لو تحسبني نيشانك
ما تخسر ؟؟
جربني وضحيلك بدنيا وناس
وزاعل حتى غصن الياس
وتصاحبني ذرعانك
يكسبله اجر جدمك اذا جابك الي وخانك
واعجبك واني مثل الناس ؟
بشر بس طولي صاير شيب
ولبسني المستحه والعيب
چا فكيت بيبانك
وصل يمي وتعافه اعله الذنب وياي
شيطانك!!
ويبرد الشوگ ما عال الندى وجاسك
بلكت يكفر احساسك
بلكي تعاين الناسك
وانه ناسك ؟
انه ناسك هذولاك الشفتهم
مو وجه شبگه
وما اسولف عليه وامدح بعشكي
واكلك مثلي ما تلكه
انه الوي نجمة الله عيوني متعلكه
انه الفاج اعله مودك ناس
وكطرة مستحه تغركه
انه الشايل حرورة شوك
مثل حرورة الما ماخذ بحكه
وكلبك وانت ما ناوين
بيك تمر
بقن نفسين
بلكت تعثر بصدفه وبخت
ينحسب للميتين
مابيه قصور وياك رمشت عين
فـضلـتـك عــلــى الغــافيــن..
نـدهتــك بـالبـچي المستعـز بـي للعــين
يـحـنيـت گـبل سمــوك غــلطانـيــن!
ربـك وفـقـاك بـماي تـبخـل لـيش وي الطـين
وليش المايـحس بـالنـار
فــوگــه احـساســك اتـبـــده
وتـجـف وتـوشـل اجـدامـك اذا من بابي تـتعده
شــردت مــنك؟؟
ردت ويـاك اعـيش ومــو شــرط عمــريــن
ولــو گـــد چــفي بــس اتـلـزمـه وتـهــده
وانـه سامع سوالــف للحضــو بـالشـوگ
كــالــولـــي؟؟
حلاتـــه اليــسكــر بــــلا كــــاس
وتــنــدهــه البــوسه البــخـــده
وحــلات اليــنـتـظر والشوگ؟ يــجبــر ولفه ويــرده
وغــبت عــني وانــه مـتانــيـك
انــه مـتانــيك
ومــتاني النفس يندلني حتى الگاك
تـيهـني ولگــاني اجــفــاك
اجــه يـتمشــه وي لحـــــده
دفــنـي بـهيـمـة الما ادري ويـن تـصيـر؟!!
لا يـمي جــدم وتــراب يــتعــده
ولا طــاري النــدى فـوكـاي يـتبـده
كـل هــذا وكـتلنـي الخــوف
بـكبـري ومـستحــي مــنك
اخــاف اتـگــول مــــــــــــــــــــات
ومــا وفــه بــوعـــده
