منتظر الغراوي
هنيالـي اعلـى طولك حيـل هنيالي
دلينـي بضواك متيـه خيالـي
دليـني اعلى دربك بيه واهس ريـل
واجيك بخلـگ دنيه
وجدمي ينگط حيل
يضحكات الصدگ وينك
اريد اتمدد بطيـنك !
واريد اوياك افرع كل عشگ مضموم
واتلگاك ملگه الليـل للمهـموم
ولو ملگاك مابي باب
ومرات النخل ينهان ما ينهاب !
يحيل اصباي دفيني بدفو عيونك
واريد اعبر قطار اللـيل وي لونك
واندهنـي اعلى امل طرواك
وزتني المدري وين اتريد !!
اروح وياك وافرشلك احلامي
وشوفهن جم ليل !
ودنيا اتميل بيه من الگصيبه اتميل
يفي شمسي ..
اخذني الديره بيها العشگ مثل الماي
وتيهني اعلى جرفينك وشالة راي
يبعدك
وين احط روحي
وانت بكل كتر مريود لجروحي
