سمير صبيح
سميتك محنه وعاطفه واشواق
لهو تكظي وكت شتريد سميني
واخذ شتله غرامك يا عشك يا شوك
بس عاكول صدك ينبت بطيني
دخليني اعلى بختك انا ما مجبور
بيدي انحت اله واكفر بديني
وليش اطلع شمس وادري انته طبعك ماي
تصعد غيم مني وتوكف بعيني
بلبل وبقفص لتحطني بالبستان
يا غصن اليميل بنار يجويني
كبرت اعلى السهر يالمرودك سجين
شلي بكحلة غرامك كون تعميني
العشك عندي عشك ما عندي هيج وهيج
اتانيك واجيك وما تتانيني
ولو حسبت حلم طيش الشباب يعود
مجتفني الوقار وما يخليني
درت عيني اعلى نيتي وشفت ظلك فات
وعلى طينة خيالك غمست عيني
