كاظم اسماعيل الكاطع
ودّعناج
ووداع الحلو يكلّف
وزتينه النعش بدموع
من ديارنة لحد النجف الاشرف
بوداعج وﮘفنة اصفوف
وجان الـﮕلب باول صف
شفة تعض ندم عالراح
وﭽف ايذب حركته
وينكسر بالـﮁف
لان شحة نساء ابهلوكت تدرين
من نفكد المثلـﭿ
والله نتأسف
لان شحة كرم واخلاق
وتخاف العطاشة اعله النهر ينشف
صفنات وجمر عالإيد
ونلف الحزن مثل الجكاير لف
الدهر ثـﮝل علينه اهواي
ثكل والحمل ما خف
صلف كل ما يضعف الروح
يترهه ويصير اصلف
ولو اهلي وهلج
وسوالف الايام
ما صارت اتراب برف
هلي لو حوّلو بالماي
بينه الماي يتنظف
هلي لو حوّلوا بالنار
بيت النار جنة بثلج يتسكف
عهد نبقه حزانه
اعليج
ويتعاتب عليج البيرغ
المارف
روحي مودعه بالله
بيتـﭻ يم علي الكرار
يم والد شهيد الطف
