علاء محمد جعفر
لا تجي من غير واهس!!
فل ضفيرة مستحاك
وفزز الهور بلهفتك وأطي للهندس كفاك
كون من تذكر
تهب مثل المناجل
كلشي البدربك تكطعه
كلشي اليمنعك تدفعه
ومن تمر من يم جرفنه-
تبوس مايا
بينه وبين الجرف عشرت رسايل
وكون من توصل لعد بابي تورث كل صباك
وكون من تجزي المكابر تكعد الموته وراك
انكت تراب الولاية بجلمه منك !!
وصيحلي كبل الصداء
هذا انا جاي
تدري مرات العطش مو الا ماي !!
ليل هجرك
كحل عيون الشماته
ليش غافي؟؟
وانته تدري
السهر بالغربه فرض !!
مد بساتينك وخذني
الدنيه مابيه شبر يشبه خضارك
المسه عد الناس مرجوحه وحديقة
وعدي شباج ومحطة!!
