نشر استاذنا الاعلامي سلمان الشهد ابو عشتار (بوست) في حسابه في الفيس بوك مع صورة وهو يحتضن احدى قططه التي يأنس بها، فما كان من الموضوع الا ان تحوّل الى تقليب مواجع بين الزميل وجيه عباس وبينه.
وجيه عباس:
اذا صار الانس بس بالبزازين   خل نغسل ايدينه من البلاوي
واذا نام العمود بتالي الليل      ظل مسّد يعمنه بالخص…
سلمان الشهد:
ماظلت بعدبالكاس قطرات.
 خلص تتني وضعت بين المتاهات.
ماعندي صديق ابغربتي اليوم.
بس بزونه تقرالي مقامات !
وجيه عباس:
مقاماتك دفن عمي يسلمان
وتتنك عتّيكَته وطلع دخّان
اليصيح الميو جنت تلوحه غفلان
اظن مايخلص من ايدك الف دفان
سلمان الشهد:
– شگلك ؛ ماتصدگ ياصديقي
تعال اوشوف مااندل طريقي
 نوبه الضغط يصعد مثل بركان
ونوبه السكري ايزيد حريقي !
وجيه عباس:
-اصدكَك… واليجذبك هو خسران
منو عنده بخت يحجي وي سلمان
واحدنه كَضاهه بطركَـ خص….
ستر ربك علينه بستر لبسان