عبد الله الطليباوي
ذمه اعلى الدرب ودعتك ورديت
وتره صعبه التحبه بغيرك تودعه
وضيعت الاثر ضيعت جدم مشحوف
بقت روجه التدفعه وروجه الترجعه
لحكتك سكته بس شايل بديه صياح
وجنت لو طرف عينك داير اتسمعه
كمت لليل ما طب بجفن نعسان
ومتاع وياي شايل حسره لو دمعه
انا وطيفك نجي ونسه وسوالف ليل
ويذكرني الفجر طيفك وراه رجعه
بي حسرة غصن بين الشجر مهجور
اتعرف صوت البلابل للغصن سمعه
تلاوه وي السهر بس ايس الناطور
من شاف الشمس مابيها كل فزعه
بعدك حيرتي جن حيرة الهادود
الكباله سلف بس محد يتبعه
قنعت البلابل تطرب وي الناي
اذا حنت ورادت بالقفص تنعه
شمعه واملتني وكلت ارد واطفيك
صار اجم صبح من ترجع شتلكه
ودعتك واحس مدري شتغير بيك
ما حسيت اظن بموادعك حركه
احسن شاوراني المستحه وكشيت
فشله بخصر ماي اتضيعلك شبكه
