نور اللامي

احب كلشي اندفن بي ريحة التسعين
بي واهس گبل مو سهله يتودع
من چانت الناس تقدر المعروف
والعشاگ فقره وبالنظر تشبع
نقص بالطف شهيد ورادك العباس
على امر التحاقك للحرب وقع
على چتاف النخل يتشيع المفروض
النوارس للنجف جنازه بي تطلع
ماشملتني بعدك نعمة النسيان
المفارگ حبيبة بكلشي مايقنع
مسير للنجف خطار مامدفون
ليلك بي علي هنيالك تمتع
فرگتك عبرتني الصفنه والمخنوگ
نفس للريه بعدك مالي حيل ادفع
هاي حرورتك جايبهه مدري منين
طلعت بالموادع بالحضن تجزع
بكيفك روح اذا ترتاح شايف خير
دعوة أم لبنهه تريده مايرجع
شلت ايدي بعد عفتك گلب ولسان
عندي جروح كبرت مو حلو اليطمع
وره صفنه اشتهيتك ماحملت فراگ
حرك راي المعاند خدك اليلمع
چنت مفكر انسى نوب زاد الشوگ
رحت وياك زايد ماگدرت ارجع
بساميرك مگابل ماكو كلهن ظيم
چفك حيل شاطر ماخطاني ابدع
علي مدري شكثر ضل صافن النجار
واحد فوگ واحد وبتلى شيشلع
سحگت اعله النفس موجدم سحگة سيف
لاتخاف ومحبتك كلشي مايطلع
مبين عايفك ماتنسترمفضوح
البايك بالسلف بالشيله يتگبع
انه مودع گبل ومفارگ وملچوم
مومثلك ترف مابيك حيل اسمع
انه مثل السهم بس بالحرب ينراد
ماارهم ورد بچفوف ذل يقطع
استنگي الخلگ من ثورة العشرين
ادور موت كون الراس بي يرفع