عقيل العرد
ما اجت بالريش اجت بظلوعي
فاتحلهم حظنك وموضوعي
حاسب حسابك هوى شمالك نسيت؟
بريتي ردتك مو اكبال شموعي
ولاتردلي دموع باجيهن عليك
مطرت الدنيا ولكيت دموعي
بكثر ما ضاحك جذب باجي عليك
احساسي يمك ماي واحساسك حجر
انته والنورس صدكَ تشابهون؟
تنسى روحك وين ماصحلك نهر
المثلك ايحس بيه عيب اشكيلك
بلايه ماصيح بكفاك دخيلك
عليك داير خلكَي كَد مابيه حيل!
وانته داير خلكك بكد حيلك
انطيني وجهي وروح بس وجهي القديم
الجنت افرشه بخطوتك لمن تطب
جنت ترفس باب بالي بلايه خوف
لان تدري ابالي ماتكعد غرب
واني اجي البالك اصيح فلان افووت
تكلي اوكف خل اسويلك درب
عَلي صوتك ,, هذا وجهك شايفه
وما استغرب هالعيون الخايفه
هاي ضحكاتك عرف !! وسوالفك !!
لاتروح,, اوكف,, اكلك شايفك
تحت شفتينك عتب كلش قديم
اوسط عينك سالفة اتجر سالفه
