عمار التميمي

احلفنك يذاك العمر
طش ربعي على دروبي
وطش حفنة ملح…..
 ذكرهم بثوبي
كلشي بعينهم مبيوك
حته دموعهم مصخت..
مشوا بكلوب ماهيه…
وانه اطلبهم عرف غربه..
 و ضحك ..وحجايه منسيه
واهم يدرون البروحي صدع بيبان…
جلت من كطع جفهم…
واهم يدرون…. من صارت الغيبه فلوس
ما فكرت اسولفهم…
ويعرفوني…
كلمن جايني بلونه عرف لوني
وكلمن صعد للغيمه لكه متوني
يعرفوني
اكره كل هلاهل بيض ما فكدت بواجيهه
واكره كل كمر محسوب…
من ضاعت شموع الناس
ما فز ويدليهه
احب ذنبي اذا محسوب
 و اكره كل صدك ما قانع بروحه
واحب كل مزنة فوك
 خدود مملوحة
خذوني وساوموا بيه ولكوني هواي…
وذبوني بشواطيهم رمل
 بس ما شربت الماي
وتوالمنه…. ولا جني حرز ملفوف
ما واحد تهجاني
ولا جن الشذر لمن ينشدونه يكول اني…
بدو مني وخذوا كل نجمه بلساني….
شجرة وما رفعت ايدي لحلاة الطير….
انشدوا الغيم عن روحي ويدليكم….
انشدوا جفوفي من عفت
 ومارادت تبديكم