يبارد صــــــــــــار دلالي ..ولك صاك
عليك ودهري خل يكصي ..ولك صاك
مثلك مـــــــــاشفت واحد …ولك صاك
على أشفافه تجي وتغفه المسيه
***
البحر من ماي شفتك شفته ورده.
وشفت الورد مثللك شفته ورده.
الاكو والماكو يمك شفته ورده.
واشوف الشوك بيدك مزهريه
***
عموني بعين كّلبي حدقت لك
وردت ورده انه كلي حدقتلك
وصل وهواس شوكّي حد اقتلك
انتفض كّلبي وشهر سيفه عليه
عدنان الركابي
ورك بربين شفتك شنهي شفتك
ترفه ومنه شفتك شنهي شفتك
حبيبي من حضنتك شنهي شفتك
شفتك مدري شنهي أبين أديــــــه
محمد الكعبي الكربلائي
بعد لتكلي عنك منتكلي.
وعلي مفروض امرك منتكلي.
اشتريد اتصير كلي منته كلي.
ولا خليت مني اشويه ليه
جمال الازبجي
بليه الغير تدري غربلاهم
وترى الشيطان شاطر غربلاهم
ربعي الوكت بيده غربلاهم
وبين شينه والزين أليه
***
بين اشينهم والزين والغاش
والبس بالحجي بلافعل والغاش
من قائمة ربعي احذفت والغاش
الشردمنهم بشده وخان بيه
***
الشرد منهم بشده وبين خشال
ومنو منهم تواره وبين خشال
وتركلي اجروح تنزف وبين خشال
غيره شكد شريف وهد اليه
***
غيره شكدشريف ومثله مافل
وانه صاحبي عقده بحبل مافل
أمس روحي انه اطيته وكلشي مافل
الكلب بس من وراي يبيع بيه
***
الكلب بس من وراي يبيع مشراك
الخان الصحبه ثق بالله مشراك
جنت ويه النف
س موجود مشراك
وصرت دخان ليش وخنك بيه
حيدر الحسني
