اسعد قاسم
بعدة بعيني وردة وعطرة بعدة يفوح
وبعدة بعز شبابة واحلة من العام
ياروحي وييمة يكلي جان هواي
هواي تعطلت يايمة هل ايام
سمعني اجيتج عيد بية الحيل
من يوم الرحت ماجني عندي اجدام
ذوبني بكثر ماذبت بالتفجير
اريدآ روحي يمة تضوك بس الغام
النسمة الي تمر بالرية ترسم شيب
وترسم لون وجهة بروحي مو بقلام
النثر جسمك زرع بالكاع حب وطيب
وزرع لجمة بدليلي وعضة وسط بهام
يلتضحك اليكرهك لويمرآ بيك
ظحكتك كبل حجيك طايحة لكدام
احن لمرايتك وكرهة كمت هواي
جي جسمك ييمة نزرع بيه الجام
من اطب لغرفتك بالغرفة اشم عريس
وسمع صوت فرحة وادري بيهة اوهم
يومك كبل يومي شكثر لله نخيت
طول عمرة ربي وعمري كصرة اعوام
تقنعني بكبر جسمك واسمك بي
وانة عليك اخافآ لو نويت تنام
التضيع ولد تلكة بوجهة كبور
وطف يصير بيهة ونار وسط خيام
ونة مظيعة ولد عايف جهال ثنين
الية والزمن ماندري النة شضام
بابة شلونة هذا يكلي صبح وليل
وذاك يكلي وينة شلون راح انام
اليدك بابنة ابنك يصيح بصوت
اجة بابة يكول ومني رئسآ كام
واخر ما اكلك يمة اجانة العيد
مر يمة الجهالك لا نكول ايتام
