علي المفوعر
من أسمك يطك الورد والياس
الفوس أعلى أيدك نامت سنين
بذرك من تتطشه الروح وياهه
خل مايك يشح تسكيه بالعين
ياأصل المروه ويانبع طيب
يل موكل أعيالك عرك الجبين
جتفك للمساحي ماهدل ساع
ومن عندك بجت هالصبخه والطين
من عزمك نهد الجبل والله
فلاح أعلى راسي النعم نعمين
أمس شارع بأسمك صار طشار
مخبوطه الجثث هاعمروحسين
أفزع وين جتفك ليش مهدول
ترضى الكاع تشرب دمه الميتين
شارع بالجثث هاعمي يافلاح
أكسرفالتك وأصفك على الجفين
يازرع الزرعته وين الحصاد
على دروب المنايا أطفال مذبوحين
زاعلنه الضحك ونسينه الأفراح
على أخدود اليتامى أنبعت نهرين
عزرائيل جاري بنفس البلوك
موبيت الكبلنه البيت بيتين
عاشك للمدينه أزغار وكبار
أهل جلمة حبيبي وصارممنونين
يتيمه وهالتدور تبيع البخور
محتاجين لكمه بعوز فلسين
أحديثات الطرف للموت مزفوفات
وبدموم الشباب جفوف متحنين
خلص عمي العمربالخوف والتعذيب
من حرب الحرب من زغر مرعوبين
رضاعة حزن ومكمطين بموت
على كبور النجف هاعمي مفطومين
نص قطعه التلمنه وجنهه عمي قصور
ثوب من الستر والعفه متمنين
وتأكدمانحب العافيه بهل اليوم
سرى بدمنه الوجع ياعمي ممروضين
مازحنه الحيا ولا رخصينه الذات
أهل ملكه وخوه وهله وزينين
نضحك لليجينه العين نطيه
معازيب وبدينه أدن فناجين
عدنه الموت واهس وأمشي وياي
نكحل أعيونه بجورت أبوالحسنين
