تحسين علي
بديناهه بزعل وعتاب
مامقسومه هالعشره
اخذ كلشي الك وياي
لتخلي ولاذكره
انه معلم عله الهجران
خد الينضرب كلساع
مايخجل من السطره
وانه بكل كتر مشتعله بيه النار
مااصرخ واكولن اخ
من اسحك عله الجمره
واطعني فلا حاجيك
مايشكي الخشب ويصيح
وبجسمه الف طبرهولك بالفي علي منيت
وانه وانت بالصحره
بفضل ألله الصبر موجود
واتحمل شمس لفراك
ما احتاج للشجره
معقوله نسيت بساع
تعبي ووياك متذكره
ماتذكر لمن جفيت بهاي
ايدي كظيت اسنين
اشيل واترس المجره
تجازيني بجرح مشكور
والله اليعلم شكبره
سوه نمشي كلتلي نكمل المشوار
وباول خطوه بعدك جدمك اتبره
ومامهتم عرفتك بيه تدري اشلون
ضحكه بكلب بارد شفتك اويه الناس
وعله مودك ضحكتي مطعمه بحسره
حبك مات وبايدي دفنته بليل
وحته يتيه مني
وحته ما الكاك
عفته بلا اسم كبره
واخاف يرف عليك تكول
كلبي الرادك ويهواك
ذبيته بمكانه راح احط صخره
