احمد زيدان
خضر ابأثار خطواتي رصيف
وكلبي بين ادروبكم ظل جرحه ينمو
جيت جبت الكم سمر ليل الخريف
من جان يحرجنه البرد يل ما بردتو
بس صدمني ابابكم موقف مخيف
صاح من بعيد شتريدون ارجعو
انتو يلطيبين ميهمنه جرحكم
ابقو حزنانين نتحسر فرحكم
وشفنه كل شي هناك ضدنه
حتى نضرات بصرحكم
جانت تعيرنه بفياي الصريفه
ذيج جنه البيهه نكعد
كبل من جانت نواياكم نضيفه
ذاك موقف ما شفت مثله بحياتي
من اذكره تشتعل بيه المواجع
لكن بساعة الحادث جنت اضحك
مثل اليسولف طريفه
جنت اضحك علخداع البيه عشكتو وعلرياء
وجنت اضحك من صدك مو من فشلتي
لا وحق ذلت حجيكم
جنت احس بروحي كومة كبرياء
